Diapsida

Diapsida Tydperk: Laat Karboon–hede 302–0 m. jaar gelede PreЄ Є O S D C P T J K Pg N
Omeisaurus tianfuensis.
Wetenskaplike klassifikasie
Koninkryk:	Animalia
Filum:	Chordata
Superklas:	Tetrapoda
Klas:	Sauropsida
Subklas:	Diapsida (Osborn, 1903)
Subgroepe
†Araeoscelidia Neodiapsida

Diapsida, of die diapsides ("met twee boë"), is ’n groep tetrapodes wat sowat 300 miljoen jaar gelede tydens die Laat Karboon-periode twee gate aan die kant van hul skedel by die slape ontwikkel het.^[1] Dit het die hegting van groter, sterker kaakspiere moontlik gemaak en diapsides in staat gestel om hul mond groter oop te maak.

Lewende diapsides is baie uiteenlopend en sluit in alle krokodille, akkedisse, slange, tuataras en voëls. Hoewel sommige terapsides óf een gat verloor het (akkedisse) óf albei (slange), of ’n heel ander skedel ontwikkel het (voëls), word hulle steeds as diapsides geklassifiseer vanweë hul stamboom. Minstens 7 925 spesies diapside-reptiele bestaan vandag in omgewings dwarsoor die aarde (byna 18 000 wanneer voëls ingesluit word).

1. ↑ "Those diverse diapsids".